نكت طبيه
1- مره مريض نفسى كل يوم فى الحلم بيحلم بكتاكيت بتلعب كوره راح للدكتور النفسى برضه قاله متنامش النهارده قاله ازاى النهارده النهائى
2- دكتور جديد عاوز يتشهر راح كتب اعلان ان الكشف ب 10 جنيه واللى مش هيخف ياخد 100 جنيه منه
فيه واحد خبيث قال هروح وادفع 10 جنيه واعمل انى مخفتش واخد 100 جنيه منه
المريض:الحقنى يا دكتر
الدكتور: مالك
المريض:مبستطعمش اى حاجه بدوقها لسانى مبيتذوقش
الدكتور:عبده هات مربه رقم 14
عبده ده الممرض ومربه 14 دى حاجه طعمها وحش اوى اوى
المريض:لما ذاقها :اوف دى طعمها وحش اوى
الدكتور:اديك خفيت وبقيت بتتذوق
وبعد شهر المريض جه تانى للدكتور وكان مستحلف انه ياخد 100 جنيه
المريض:الحقنى يادكتر بقيت بنسى كل حاجه فاتت
الدكتور:عبده هات مربه 14
العيان: مربه 14 تاااااااانى؟
الدكتور مبروك ذاكرتك رجعت
3- مره واحد عيان راح للدكتور الوحده وقاله بكح يادكتور وشهبيلى مونونه المهم الدكتور مفهمش حاجه قال اسئله عن اى حاجه:الدكتور انت بتنام والشباك مفتوح ولا مقفول قاله مقفول الدكتور قاله خلاص ابقى سيب الشباك مفتوح
بعد يومين المريض جه
الدكتور قاله:هه طمنى الكحه راحت
المريض قاله:الكحه راحت والغساله راحت والتلفيزيون راح والكاسيت راح ........
4-دكتور عظام ماشي فى الشارع , الكلاب جريت وراه
5-واحد جاله هبوط الدكتور كتبله على براشوط
6-واحد دكتور جايب لخطيبته ورده و بيقول لها : شايفه الورده دي ؟ فقالت له : أيوه .. فبعد الورده شوية و قال لها : طب و كده ؟
7-دكتور أطفال اتجوز دكتورة أطفال نشروا خبر الجواز فى مجلة ميكى
8-دكتور راح علشان يتجوز
والد العروسة : وانت تخصصك ايه يا ابنى
الدكتور : دكتور أطفال
والد العروسة : و ناوى تكمل دراستك
9-دكتور سنان لقى عود قصب مسوس .. فحشاه
10-واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك
11-سألوا دكتورة اسنان : اتجوزتى؟ قالت : لثه
12-دكتور سنان جتلو واحده حامل فى توأم عايزه حبوب للعيال علشان يطلعو مؤدبين اداها الحبوب و لما اتأخر معاد الولاده الدكتور بيفتح قيصرى لقاهم بيتعازمو على اللى ينزل الاول
13-واحد صيدلي حب يتجوز عمل فرحه في الصيدليه
14-ووزع علي المعازيم ميكروكروم
15-عيان راح للدكتور القه الحقنى بعمل ريح كتير بس ملوش ريحه الدكتور قاله خد الدوا ده وتعالى بعد اسبوع العيان جه بعد اسبوع الدكتور قاله : هه ايه الاخبار قاله الريح بقاله ريحه وحشه اوى قاله كويس يبقى الدوا اللى اديتهولك عالج منخيرك
16-عيان راح للدكتور قاله روح اعمل اشاعه العيان نزل الشارع وقعد يقول الهرم وقع الهرم وقع ورجع قال للدكتور قاله بقولك اعمل اشعه فى العماره اللى جنبنا هتلاقى اوضه معدن اقلع فبها واعمل اشعه راح العماره اللى جنبه لقى الاسانسير راح قافل عليه هو حسب هى دى الاشعه راح قالع هدومه فى الدور اللى بعد كده الاسانسير فتح فيه ستات رايحين يركبوا شافوا صاحبنا عريان صوتوا وسرخوا قام العيان اتخظ وقالهم ايه هموت؟
17. واحد عجوز راح يخطب واحده وكان واخد الخادم بتاعه معاه وقاله كل ما اقول لابو العروسه عنى معلومه عاوزك تفخمها وتضخمها ماشى الخادم قاله ماشى
راحوا لابو العروسه العجوز قاله انا عندى ا11000جنيه فى البنك الخادم قاله وناسى ياسيدى الاراضى والاطيان والعربيات
قاله انا عندى شقه الخادم قاله انت ناسى العماره وبرج الزمالك
فالراجل العجوز كح ام ابو العروسه قاله مالك العجوز قاله مفيش شويه برد الخادم قاله ونسيت الضغط والسكر والتهاب المفاصل والصرع وال...........
ما هو الفرق بين الزواج والمرض
المرض ده شىء ملكش دخل فيه وعشان كده لازم تشكر ربنا وتصبر
ولكن الجواز انته الى عملت كده فى نفسك يا حلو
المرض فى منه الخبيث والمستعصى والعرضى والبسيط ولكن الجواز كله نوع واحد ...الخبيث
المرض فىدكتور شاطر يعرف يعالجك ولكن الجواز ولا دكاتره الدنيا ممكن تتصرف معاه
اخر صيحه فى العلاج فى المرض كانت عمليات اللليزر واخر صيحه فى علاج مشاكل الزواج هى عمليات الخلع
وانته مريض هتتوجع لحد ما تخف ولكن لما تتجوز هتتوجع العمر كله
وانته فى المستشفى الدكتور بيكون لابس ابيض والممرضه بتكون لابسه ابيض عشان تحسسك ان الفرج قريب ولامل فى الشفاء موجود ...فى الفرح المعازيم بيكونوا لبسين اسود والمأزون لابس اسود عشان تعرف مصيرك هيكون ايه من الاول
وانته مريض الدكتور مش ممكن يرجع لك تمن العلاج والكشف تانى ويقولك روح يابابا ولكن فى الجوزا ممكن هتلاقى الى يديلك المهر ويقولك روح يابابا انته مخلوع
فى المرض بتقابل الممرضات الى بيسموهم ملائكه الرحمه
وفى الجواز بتقابل مرتك وحماتك ....شياطين جهنم
موضوع: نكت طبية 
11/8/2011, 6:58 am
